Heb 13 | TNN | STEP | Təwɨr məmə nəkotəkəike əh moatol nolkeikeən kəm itəmat mɨn tahmen e piatəmat mɨn.

Hebrews 13

Namnun nəghatən

1 Təwɨr məmə nəkotəkəike əh moatol nolkeikeən kəm itəmat mɨn tahmen e piatəmat mɨn. ^{▼▼13:1Rom 12:10} 2 Sotaluinən nehmən iapɨspɨs mɨn itəm koatuwa imatəmat ikɨn. ^{▼▼13:2Job 31:32; Mat 25:35; Rom 12:13} !Okəm-naka ilat nagelo mɨn! Netəmim neen itəm kəmoatol nulan, ilat kəmoatehm wɨr netəmim, məsotɨtunən məmə ilat nagelo mɨn. ^{▼▼13:2Jen 18:1-33} 3 Sotaluinən netəm kotatɨg e kalapus. ^{▼▼13:3Mat 25:36; Hip 10:34} Nɨkitəmat otatuəh ilat, mətahmə olat tahmen əm məmə inun ik mɨn nəkətatɨg e kalapus. Otəto kələh nahməən e nɨkitəmat, itəmat netəm mɨn un itəm katol tərat elat, tahmen əm məmə inun ik natəto nahməən e nɨpətɨm atɨp.

4 Pəs netəmim rafin kotɨsiai-in natɨgən rəha marɨt, məmə in tasim nian rafin. ^{▼▼13:4Mal 2:15} Pəs netəmim rafin kotəgɨn o nɨməhan rəhalat mɨn, məsoteguafələn. Uhgɨn otakil etəm aluə ne pətan əkəku itəm kətuapɨl kələh, kən makil mɨn iərman ne pətan itəm kətuapɨl kələh, iərman itəm tətapɨl ilau pətan u sənəmə rəhan pətan, ne pətan itəm sənəmə rəhan ətuatɨp iərman. ^{▼▼13:4Dut 22:22}

5 Ətul-pən isəu o nolkeikeən rəha məni. ^{▼▼13:51 Tim 3:3} Nɨkim təike magien əm o rəham natɨmnat u natos tahmen ^{▼▼13:5Fil 4:11; 1 Tim 6:6-8} məto-inu Uhgɨn tatən məmə,

“Okol esapəsən ik,
məsəhlmanən ik nian kit” ^{▼▼13:5Dut 31:6,8; Jos 1:5}
6 Kən tol nəhlan kitat kotɨtun əsas, kən moatən məmə,

“Iərəmərə in iasitu rəhak,
tol nəhlan esəgɨnən.
Oesəginən nat kit itəm etəmim əm otol kəm io.” ^{▼▼13:6Sam 118:6,7}
7 Nɨkitəmat otəkəike matəht netəm-iasol mɨn u rəhatəmat ^{▼▼13:7Hip 13:17, 24; 1 Kor 16:16} itəm kəmotaupən motəgətun itəmat e nəghatən rəha Uhgɨn. Otətəlɨg-in-tu natɨmnat wɨr mɨn itəm təmiet e nəmegəhən rəhalat, kən motahatətə e Iərəmərə tahmen əm elat. ^{▼▼13:7Hip 6:12}

8 Iesu Kristo in tatol əm nulan, nəniəp, ne roiu, kən otəpanətatɨg nulan, namnun tɨkə. ^{▼▼13:8Sam 102:27; Hip 1:12} 9 Sotolən məmə nəgətunən wi pɨsɨn pɨsɨn mɨn tiuw rəkɨs itəmat o suatɨp ətuatɨp. ^{▼▼13:9Efes 4:14} Itəmat otuag-pən əm o Uhgɨn, itəm tətasitu etəmat e nɨkin agien məmə otol rəhatəmat nətəlɨgən təskasɨk. ^{▼▼13:9Kol 2:7} Təsəwɨrən məmə kitat okotətou-pən nətuakəmən rəha nunən nagwənən, ^{▼▼13:91 Kor 8:8; Hip 9:10} məmə in otol kitat kotəskasɨk, məto-inu in nɨpahrienən, nətuakəmən əh, okol təsasituən e netəm koatol.

10 Rəhatat olta tatɨg. Məto pris mɨn itəm koatol wək rəhalat əpəh imə e tapolən rəha nətueintən u, ^{▼▼13:10Hip 8:5} ilat u, kəsegəhan-inən ilat məmə okotun ^{▼▼13:101 Kor 9:13; 10:18} nagwənən ^{▼▼13:10Jon 6:48-58} kit e olta u rəhatat. ^{▼▼13:10“Nagwənən” itəm katol sakrifais lan e “rəhatat olta” inun Kristo pɨsɨn əm (Jon 6:48-58). Pris mɨn aupən, ilat kəmotɨtun nunən noanuwəhgɨn nat megəh mɨn e sakrifais mɨn neen ilat koatol o nos-ipənən kəm Uhgɨn. Məto kəsegəhan-inən kəm ilat o “nunən” Kristo, nɨpətɨn u məmə kəsotosən ron.}

11 E nolən rəha pris asol agɨn, nian in tatohamnu rəkɨs nat megəh, kən matos nɨtan kən muwɨn əpəh imə e Ikɨn Tasim Agɨn Ikɨn, kən mos-ipən kəm Uhgɨn o nafəl rəkɨsən təfagə rəha netəmim. ^{▼▼13:11Lev 16:15} Məto uarisɨg, katɨləs-iarəp nat megəh u əpəh ihluə ikɨn e nimə tapolən mɨn rəhalat, motaan ətɨp. ^{▼▼13:11Eks 29:14; Lev 4:12,21; 9:11; 16:27} 12 E nolən kitiəh əm, Iesu təmiet rəkɨs e taon, ^{▼▼13:12Jon 19:17} kən ikɨn əh in təməto nahməən e nɨpətɨn, kən mɨmɨs ikɨn əh, məmə nɨtan ^{▼▼13:12Rom 3:25} tɨtun nafəl rəkɨsən təfagə rat rəha netəmim, mol ilat kotətuatɨp, motasim, məmə ilat rəha Uhgɨn. ^{▼▼13:12Efes 5:26} 13 Tol nulan, pəs kitat kotol məmə inu okotiet ihluə imətat ikɨn, motol kitiəh kitat min əpəh ihluə. ^{▼▼13:13Luk 9:23} Kən okotəkəike motətul matɨp məmə netəmim okotol naulɨsən kəm itat, tahmen əm mə inun, kəmotol mihin lan. ^{▼▼13:13Hip 11:26} 14 E nətueintən u, rəhatat kit taon ətuatɨp imətat ikɨn tɨkə, itəm otətatɨg lilɨn. ^{▼▼13:14Hip 12:27} Məto kitat koategəs-in rəhatat taon ətuatɨp itəm kotɨtun məmə otəpanuwa. ^{▼▼13:14Fil 3:20; Hip 11:10; 12:22}

15 Tol nulan, e nasituən rəha Iesu, pəs kitat kotos-ipən sakrifais rəhatat kəm Uhgɨn nian rafin. ^{▼▼13:151 Pita 2:5} Sakrifais mɨn u rəhatat, inun, okoatɨləs-ipər nərgɨ Uhgɨn nian rafin, moatən-iarəp nərgɨn. ^{▼▼13:15Sam 50:2-15; Hos 14:2; Aes 57:19} 16 Sotaluinən o nolən təwɨr ne nawte-inən nat rəhatəmat tatɨg kəm netəm rəhalat nat kit tɨkə, ^{▼▼13:16Rom 12:13} məto-inun in mɨn tahmen e sakrifais ^{▼▼13:16Fil 4:18} itəm nɨki Uhgɨn tagien ron. ^{▼▼13:16Sam 50:21-15; Hos 14:2} 17 Otol nəwia netəm-iasol mɨn e niməfak, ^{▼▼13:17Hip 13:7,24} kən motatɨg ahgin ilat. Ilat u, koatehm wɨr nəmegəhən rəhatəmat, ^{▼▼13:17Aes 62:6; Wək 20:28} məsotamegən, məto-inu ilat kotɨtun məmə okotəike motən nəmtət lan kəm Uhgɨn məmə ilat kəmotol wək u, təhrol nulan. Itəmat nakotəike motol ilat nɨkilat tagien o wək u. Okəmə itəmat noatol nɨkilat təsagienən ron, nolən u okol təsasitu agɨn-əhən etəmat.

18 Otəfak otɨmat, ^{▼▼13:181 Tes 5:25} məto-inu ekotɨtun əsas məmə rəhatɨmat nolən in tətuatɨp əm, ^{▼▼13:18Wək 23:1} kən ekotolkeike agɨn məmə nian rafin itɨmat ioatol nolən təwɨr əm. 19 Io ekolkeike pɨk məmə itəmat onəkotəkəike motətapəh-in o Uhgɨn, məmə io ekɨtun nɨtəlɨg-pa-mɨnən otəmat uəhai əm.

20 Iatəfak mɨn otəmat mɨn məmə, Uhgɨn otasitu etəmat. Uhgɨn u, in nəukətɨ nəməlinuən. ^{▼▼13:20Rom 15:33} Kən in təmol rəhatat Iərəmərə Iesu təmegəh mɨn e nɨmɨsən, ^{▼▼13:20Wək 2:24} məto-inu nɨtan təmaiu o nolən nəniəkɨsən lilɨn ^{▼▼13:20Jen 17:7,13,19; Aes 55:3; 61:8; Esik 37:26; Mat 26:28} in tətatɨg matəmegəh. ^{▼▼13:20Hip 9:20} Iesu əh, in etəm təwɨr maprəkɨs o nehm wɨrən sipsip mɨn rəhan. ^{▼▼13:20Jon 10:11} Iatəfak məmə Uhgɨn u, 21 in otos-ipɨnə natɨmnat wɨr mɨn rafin kəm itəmat, itəm otol itəmat nəkotahmen o nolən nat itəm in tolkeike. Kən iatəfak məmə, Uhgɨn otol wək e nəmegəhən rəhatat kitiəh kitiəh, ^{▼▼13:21Fil 2:13} kən e nasituən rəha Iesu Kristo, in otol rəhatat nolən təwɨr təwɨr, kən nɨkin otagien pɨk ron. Kən pəs kotɨləs-ipər nərgɨ Kristo ilɨs nian rafin, matuwɨn matuwɨn namnun tɨkə. Əwəh. ^{▼▼13:21Rom 11:36}

22 Piak mɨn ne wɨnɨk mɨn. Naoa u rəhak təsəfəməh pɨkən. Məto iakətapəh əskasɨk otəmat məmə, otol-tu rəhatəmat nətəlɨgən təfəməh mɨn məmə nakotətəlɨg-in rəhak nəghatən mɨn itəm otɨləs-ipər nətəlɨgən rəhatəmat.

23 Iakolkeike məmə onəkotɨtun məmə piətat u Timoti, ilat kəmotɨləs-iarəp in e kalapus. Okəmə in otuwa uəhai əm, kən itɨmlau min, ekiamnə.

24 Itəmat otən təwɨr kəm netəm-iasol mɨn rəhatəmat, ne iəfak mɨn u imatəmat ikɨn. Netəm Itali kəmotən təwɨr kəm itəmat.

25 Pəs Uhgɨn otawte-in rəhan nəwɨrən kəm itəmat rafin. Əwəh.